1. განმცხადებელი (შემდგომში „მომხმარებელი“) გამოხატავს თანხმობას და ანიჭებს სს მიკროსაფინანსო ირგანიზაცია „კრისტალს“ (ს/კ 212896570, შემდგომში „კრედიტორი“) უპირობო უფლებას საქართველოს კანონმდებლობით დადგენილი წესით და პირობებით, დაამუშაოს სესხის განაცხადში და კრედიტორთან დაცული ინფორმაცია, ასევე მომხმარებლის შესახებ საკრედიტო ბიუროებში (მათ შორის სს „კრედიტინფო საქართველოს“ (ს/კ 204470740) საკრედიტო ინფორმაციის მონაცემთა ბაზაში) დაცული ინფორმაცია გადამხდელუნარიანობის ანალიზის მიზნისათვის.

2. მომხმარებელს გაცნობიერებული აქვს საქართველოს კანონმდებლობით გათვალისწინებული უფლებები, რომ მისი (როგორც მონაცემთა სუბიექტის) მოთხოვნის შემთხვევაში, მონაცემთა დამმუშავებელი ვალდებულია გაასწოროს, განაახლოს, დაამატოს, დაბლოკოს, წაშალოს ან გაანადგუროს მონაცემები, თუ ისინი არასრულია, არაზუსტია, არ არის განახლებული, ან თუ მათი შეგროვება და დამუშავება განხორციელდა კანონის საწინააღმდეგოდ.

3. აღნიშნული თანხმობა არის ერთჯერადი და მოქმედია განცხადების ხელმოწერიდან 30 სამუშაო დღის განმავლობაში, გარდა იმ შემთხვევისა, თუ მომხმარებელს აქვს საკრედიტო/სასესხო ვალდებულება კრედიტორის მიმართ, კრედიტორი უფლებამოსილია ვალდებულებების მოქმედების პერიოდში განახორციელოს მონაცემთა სუბიექტის საკრედიტო, არასაკრედიტო და სხვა რელევანტური ინფორმაციის გადამოწმება საკრედიტო ბიუროში მონაცემთა სუბიექტის დამატებითი თანხმობის გარეშე, მონაცემთა სუბიექტის გადამხდელუნარიანობის შეფასების მიზნით.

4. მომხმარებელი ინფორმირებულია, რომ:

4.1. კრედიტორი (სს მიკროსაფინანსო ორგანიზაცია „კრისტალი“, მის: ქუთაისი, ნიკეას ქ. #22) შეაგროვებს/დაამუშავებს მის შესახებ ყველა იმ საკრედიტო/არასაკრედიტო და სხვა რელევანტურ ინფორმაციას, რომელიც დაკავშირებულია საკრედიტო საინფორმაციო ბიუროსათვის ინფორმაციის მიწოდებასთან და ინფორმაციის მიღებასთან საქართველოს კანონმდებლობით გათვალისწინებული წესითა და პირობებით. წინამდებარე ინფორმაცია მუშავდება მომხმარებლის გადამხდელუნარიანობის ანალიზის მიზნისათვის და ხელმისაწვდომი იქნება საკრედიტო საინფორმაციო ბიუროში ჩართული მომხმარებლებისათვის კანონმდებლობით დადგენილი წესით (სესხის გამცემი ორგანიზაციები და ინფორმაციის მიმღები/მიმწოდებელი პირები).

4.2. მომხმარებლის (მათ შორის, მონაცემთა სუბიექტი) მოთხოვნის შემთხვევაში, მონაცემთა დამმუშავებელი ვალდებულია გაასწოროს, განაახლოს, დაამატოს, დაბლოკოს, წაშალოს ან გაანადგუროს მონაცემები, თუ ისინი არასრულია, არაზუსტია, არ არის განახლებული, ან თუ მათი შეგროვება და დამუშავება განხორციელდა კანონის საწინააღმდეგოდ;

5. მომხმარებელი კრედიტორს ანიჭებს უპირობო უფლებას მომხმარებლის მიერ წარდგენილი დოკუმენტაციის ან/და ინფორმაციის უტყუარობა გადაამოწმოს მესამე პირთან (მათ შორის განაცხადში, მითითებულ საკონტაქტო პირებთან, ოჯახის წევრებთან, და სხვა დაკავშირებულ პირებთან) და ინფორმაციის უტყუარობაში დასარწმუნებლად მიაწოდოს ინფორმაცია მესამე პირებს, სესხის განაცხადის დეტალებზე.

6. მომხმარებელს (მონაცემთა სუბიექტს) უფლება აქვს, ნებისმიერ დროს, განმარტების გარეშე წერილობითი უარი განაცხადოს მის მიერვე მიცემულ თანხმობაზე და მოითხოვოს კომპანიის მხრიდან მონაცემთა დამუშავების შეწყვეტა ან/და დამუშავებულ მონაცემთა განადგურება.